فرمان الہی
نماز کے اوقات
اسلام آباد ہائی کورٹ نے پی ٹی آئی رہنما فواد چوہدری کو پیش کرنے کا حکم دے دیا۔
عدالتِ عالیہ میں فواد چوہدری کی گرفتاری کے خلاف جسٹس میاں گل حسن اورنگزیب نے سماعت کی۔
عدالت نے حکم دیا کہ آئی جی اسلام آباد کل فواد چوہدری کو عدالت میں پیش کریں۔
فواد چوہدری کے وکیل فیصل چوہدری نے عدالت کے سامنے دلائل دیتے ہوئے کہا کہ اس عدالت نے فواد چوہدری کو گرفتاری سے روکا تھا۔
وکیل فیصل چوہدری نے کہا کہ اسلام آباد پولیس نے فواد چوہدری کو گرفتار کر لیا، سپریم کورٹ میں پولیس کو بتایا لیکن انہوں نے عدالتی حکم کو نہ مانا۔
انہوں نے چیف جسٹس عامر فاروق کے حکم نامے کی کاپی عدالت کے سامنے پیش کی۔
وکیل فیصل چوہدری نے کہا کہ آئی جی اسلام آباد کورٹ میں تھے ان کی موجودگی میں یہ آرڈر ہوا تھا، عدالت نے آئی جی کو حکم دیا تھا کہ وہ فواد چوہدری کو گرفتار نہیں کریں گے۔
