فرمان الہی
نماز کے اوقات
عوامی نیشنل پارٹی (اے این پی) کے سینئر رہنما میاں افتخار نے کہا ہے کہ عمران خان کے تشدد کو تحفظ دیا گیا، ہم آئین اور پارلیمنٹ کی بالادستی کےلیے نکلے ہیں۔
سپریم کورٹ کے باہر پی ڈی ایم دھرنے سے خطاب میں میاں افتخار نے کہا کہ آئین کو ازسر نو لکھا گیا، سپریم کورٹ آئین کی تشریح کرسکتی ہے آئین کو لکھ نہیں سکتی۔
انہوں نے کہا کہ پنجاب اسمبلی غیرآئینی طورپرتوڑی گئی، پی ٹی آئی کی دہشت گردی کی سیاست کو ختم کرنا ہے، ہم آئین اور پارلیمنٹ کی بالادستی کےلیے نکلے ہیں۔
اے این پی رہنما نے مزید کہا کہ 2013 میں دہشت گردی عروج پر تھی، جانوں پر کھیل کر دہشت گردوں کا مقابلہ کیا، ہم مقابلہ کرنا جانتے ہیں عمران خان کو تو ایک دن جیل نہیں کاٹ سکتے۔
ان کا کہنا تھا کہ عمران خان کے تشدد کو تحفظ دیا گیا، اُن کی تمام مقدمات میں ضمانت منظور کی گئی، پی ٹی آئی چیئرمین کہتے ہیں، اُنہیں سپریم کورٹ اور ہائیکورٹ پر اعتماد ہے۔
میاں افتخار نے یہ بھی کہا کہ عمران خان کہتے ہیں تشدد کرنے والوں کا ان سے کوئی تعلق نہیں، ساتھ ہی یہ بھی کہتے ہیں اگر انہیں دوبارہ گرفتار کیا گیا تو پھر لوگوں کا ردعمل آئے گا۔
