شان شاہد کا پاکستان کے شہداء کی بہادر ماؤں کو خراجِ تحسین

25 مئی ، 2023

سینئر پاکستانی اداکار شان شاہد نے یومِ تکریمِ شہداء پر پاکستان کے شہداء اور ان کی بہادر ماؤں کو ناقابل تصّور نقصان برداشت کرنے پر خراجِ تحسین پیش کیا ہے۔

شان شاہد نے مائیکرو بلاگنگ ویب سائٹ ٹوئٹر پر پاک فوج کے شعبہ تعلقات عامہ آئی ایس پی آر کی جانب سے شہداء کی ماؤں کو خراجِ تحسین پیش کرنے کے لیے جاری کیے گئے نئے گانے’مائیں پاکستانی ہیں‘ کی ویڈیو شیئر کی ہے۔

اُنہوں نے یہ ویڈیو شیئر کرتے ہوئے لکھا کہ’پاکستان کے شہداء اور ان کے بہادر خاندانوں کو دل سے خراج تحسین پیش کرتا ہوں‘۔

اُنہوں نے مزید لکھا کہ ’یہ گانا ان بہادر ماؤں کے لیے وقف کیا گیا ہے جنہوں نے ناقابل تصّور نقصان برداشت کیا‘۔

اُنہوں نے عوام سے مخاطب ہوتے ہوئے کہا کہ ’آئیے متحد ہوکر کھڑے ہوں، کندھے سے کندھا ملا کر، ان تمام بہادر روحوں کو عظیم قربانیاں دینے کے لیے خراجِ عقیدت پیش کریں‘۔

انٹرٹینمنٹ سے مزید