خدیجہ شاہ کے میڈیکل اور ملاقات سے متعلق درخواستوں پر فیصلہ محفوظ

لاہور کی انسداد دہشت گردی کی عدالت نے فیشن ڈیزائنر خدیجہ شاہ کے میڈیکل اور ملاقات سے متعلق درخواستوں پر فیصلہ محفوظ کر لیا۔

انسداد دہشت گردی کی عدالت کی ایڈمن جج عبہر گل خان نے درخواست پر سماعت کی۔

خدیجہ شاہ کے وکیل نے کہا ہے کہ جیل حکام سے خدیجہ شاہ کی میڈیکل رپورٹ طلب کی جائے۔

وکیل نے استدعا کی کہ خدیجہ شاہ کی فیملی کو جیل میں ملاقات کی اجازت دی جائے۔

خدیجہ شاہ کی جیل میں طبیعت خراب ہو گئی

فیشن ڈیزائنر خدیجہ شاہ کی لاہور سینٹرل جیل کوٹ لکھپت میں طبیعت خراب ہو گئی۔

خدیجہ شاہ کے وکیل نے کہا کہ جب سے خدیجہ شاہ گرفتار ہوئی ہے فیملی کو ملنے نہیں دیا گیا۔

واضح رہے کہ جناح ہاؤس لاہور میں جلاؤ گھیراؤ اور توڑ پھوڑ کے کیس میں خدیجہ شاہ کو 24 مئی کو انسداد دہشت گردی عدالت میں پیش کیا گیا تھا جس کے بعد عدالت نے انہیں 7 دن کے لیے شناخت پریڈ پر جیل بھیجنے کا حکم دیا تھا۔