حافظ آباد اور گوجرانوالہ سے 3 شخصیات پیپلز پارٹی میں شامل

سابق صدر آصف علی زرداری کے دورۂ لاہور کے دوران پنجاب کی کئی اہم شخصیات پاکستان پیپلز پارٹی میں شامل ہوئی ہیں۔

حافظ آباد سے چوہدری انصر جبکہ گوجرانوالہ سے علی اشرف اور چوہدری حارث میراں پیپلز پارٹی میں شامل ہو گئے۔

تینوں شخصیات نے آصف علی زرداری سے ملاقات کے بعد پیپلز پارٹی میں شمولیت کا اعلان کیا۔

چوہدری علی اشرف کا تعلق این اے 74 گوجرانوالہ، چوہدری انصر کا تعلق این اے 79 حافظ آباد جلال پور بھٹیاں اور چوہدری حارث میراں کا تعلق پی پی 58 گوجرانوالہ سے ہے۔

آصف زرداری کو وسطی پنجاب سے پی پی میں شمولیت کیلئے تیار 30 رہنماؤں کی فہرست پیش

ملاقات میں پارٹی کے تنظیمی و سیاسی امور پر تبادلہ خیال کیا گیا۔

واضح رہے کہ گزشتہ روز لاہور میں آصف زرداری سے سیاسی رہنماؤں نے ملاقات کے بعد پیپلز پارٹی میں شمولیت کا اعلان کیا تھا۔