اعجاز اسلم نے ناقِد کو نظریہ تبدیل کرنے کا مشورہ دے دیا

05 جون ، 2023

پاکستان شوبز انڈسٹری سے وابستہ معروف اداکار اعجاز اسلم نے تنقید کرتے ہوئے سوشل میڈیا صارف کو نظریہ تبدیل کرنے کا مشورہ دے دیا۔

فوٹو اینڈ ویڈیو شیئرنگ پلیٹ فارم انسٹاگرام پر اداکار اعجاز اسلم نے اپنے سفر پر مبنی ایک وی لاگ شیئر کیا۔

مذکورہ وی لاگ میں اداکار اپنی فلائٹ کا احوال بیان کرتے ہیں جو ترکیہ سے ہوتی ہوئی امریکا پہنچی۔

تاہم اس وی لاگ پوسٹ کے کمنٹس میں ایک سوشل میڈیا صارف نے تبصرہ کرتے ہوئے اداکار پر تنقید کی اور لکھا کہ ’آپ جیسی مشہور شخصیات کو بزنس کلاس کا سفر کرنا چھوڑ دینا چاہیے، بلاجواز نمود و نمائش سے براہ کرم باز رہنے کی کوشش کریں۔

سوشل میڈیا صارف کی جانب سے کی جانے والی سخت تنقید پر اداکار نے تحمل کا مظاہرہ کیا اور مشورہ دیتے ہوئے لکھا کہ یہ آپ کے دیکھنے کا نظریہ ہے، براہ کرم اپنا دیکھنے کا نظریہ تبدیل کریں۔