فرمان الہی
نماز کے اوقات
پانچ ملکی مینز باسکٹ بال چیمپئن شپ میں پاکستان نے بھوٹان کو مات دے دی، قومی ٹیم کی یہ تین میچوں میں دوسری کامیابی ہے۔
مالدیپ میں جاری ایونٹ کے پہلے میچ میں پاکستان کو شکست ہوئی تھی جس کے بعد پاکستان نے جمعے کو میزبان ملک کو سنسنی خیز مقابلے کے بعد 63-65 کے اسکور سے ہرایا جبکہ ہفتے کو بھوٹان کو واضح مارجن سے شکست دی۔
قومی ٹیم نے بھوٹان کے خلاف 53 کے مقابلے میں 76 پوائنٹس سے فتح سمیٹی۔
پچھلے میچ میں 22 پوائنٹس اسکور کرنے والے زین الحسن نے اس میچ میں بھی شاندار کھیل پیش کیا اور 21 پوائنٹس بنائے۔ کپتان شہباز علی 15 جبکہ عمیر جان 12 پوائنٹس کے ساتھ نمایاں رہے۔
خیال رہے کہ پاکستان آخری لیگ میچ میں بنگلادیش کے مدمقابل ہوگا۔
