اسپیکر قومی اسمبلی کے بھائی راجہ جاوید اشرف نے پنجاب پولیس سے معذرت کرلی

اسپیکر قومی اسمبلی راجہ پرویز اشرف کے بھائی راجہ جاوید اشرف نے پنجاب پولیس سے معذرت کرلی۔

راجہ جاوید اشرف کا کہنا ہے کہ کچھ ویڈیوز وائرل ہوئیں جن میں پولیس کے بھائیوں کی دل آزاری ہوئی ہے، جس پر پنجاب پولیس خاص طور پر متعلقہ افسران سے معذرت طلب کرتا ہوں۔

اسپکیر راجہ پرویز اشرف کے بھائی کے ہاتھوں سب انسپکٹر کی تذلیل، ویڈیو وائرل

قومی اسمبلی کے اسپیکر راجہ پرویز اشرف کے بھائی راجہ جاوید اشرف نے گوجر خان میں چوکی انچارج سب انسپکٹر کی تذلیل کی ہے جس کی ویڈیو وائرل ہو گئی۔

اسپیکر قومی اسمبلی کے بھائی نے کہا کہ سیاسی تقاریر میں جذبات میں اکثر ایسے الفاظ ادا ہوجاتے ہیں، شہداء کی زمین گوجر خان کے رہنے والے وردی کا احترام کرتے ہیں۔

راجہ جاوید اشرف نے مزید کہا کہ چوکی انچار ج اور ایس ایچ او گوجر خان میرے بھائی ہیں۔