فرمان الہی
نماز کے اوقات
کراچی (اسٹاف رپورٹر) میئر کراچی مرتضیٰ وہاب نے کہا ہے کہ کسی بھی علاقے میں شہریوں کو کچرے اور دیگر بلدیاتی مسائل کے حوالے سے شکایت نہیں ہونی چاہئے ، اورنگی میں گرین بیلٹ پر قائم مویشی منڈی کو فوراً ہٹایا جائے،واٹر بورڈ منگھوپیر میں فراہمی و نکاسی آب کی لائنوں سے رسائو کا مسئلہ فوری حل کرے، سالڈ ویسٹ مینجمنٹ بورڈ ٹائون چیئرمینز کے ساتھ صفائی ستھرائی کے حوالے سے مکمل رابطہ رکھے، وہ پیر کو اپنے دفتر میں شہریوں کو درپیش مسائل کے حوالے سے ایک اجلاس کی صدارت کررہے تھے، میئر کراچی نے کے ایم سی اور مذکورہ ٹی ایم سیز کی حدود میں شہریوں کو درپیش مسائل کے حوالے سے صورت حال کا تفصیلی جائزہ لیا اور متعلقہ اداروں کے ذریعے ان کے فوری حل کے لیے ہدایات دیں، مرتضیٰ وہاب نے کہا کہ ضلع غربی کی لینڈ فل سائٹ تک رسائی کے حوالے سے بھی خاص اہمیت ہے، ٹی ایم سیز کے دفاتر قائم کرنے کے لیے بھی اقدامات کئے جائیں۔
