فرمان الہی
نماز کے اوقات
کراچی (نیوز ڈیسک) پی پی پی شعبہ خواتین کی مرکزی صدر و رکنِ سندھ اسمبلی فریال تالپور کا تعزیت کے لیے لاڑکانہ شہر میں مرحومہ ڈاکٹر بلقیس ملک کے گھر آمد،انہوں نے مرحومہ ڈاکٹر بلقیس ملک کے ایصال ثواب کے لیے فاتحہ خوانی کی۔ انہوں نے کہاکہ مرحومہ نے شہید بھٹو کے کہنے پر بیرونِ ملک سے لاڑکانہ آکر سکونت اختیار کی تھی اور اپنی پوری زندگی اہلیانِ لاڑکانہ کی طبی و سماجی خدمات کے لیے وقف کردیں۔ فریال تالپور نے مرحومہ ڈاکٹر بلقیس ملک کو خراج عقیدت پیش کرتے ہوئے کہا کہ مر حومہ اہلیان لاڑکانہ سمیت پوری پاکستانی قوم کی دلوں میں ہمیشہ زندہ رہیں گی۔ اس موقع پر سابق وزیر داخلہ سندھ سہیل انور سیال، مئیر لاڑکانہ انور لُوہر، ڈپٹی میئر امین شیخ، پی پی پی لاڑکانہ سٹی کے صدر خیر محمد شیخ اور دیگر پارٹی رہنما و کارکنان بھی فریال تالپور کے ہمراہ تھے۔
