اسلام آباد( نمائندہ جنگ) بے نظیر بھٹو کے یوم پیدائش پر پارلیمنٹ ہائوس میں اپوزیشن لیڈر خورشید شاہ نے اعجاز جاکھرانی، شازیہ مری، نوید قمر، نفیسہ شاہ، عارف علوی، شیریں مزاری،روبینہ خالد کے ہمراہ سالگرہ کا کیک کاٹا۔ اس موقع پر بات چیت کرتے ہوئے خور شید شاہ نے کہا کہ بے نظیر بھٹو نے ذوالفقار علی بھٹو کی شہادت کے بعد سیاسی جدوجہد کی ایک نئی تاریخ رقم کی اور اس جدوجہد کو ہمیشہ سنہری حروف میں لکھا جاتا رہے گا، ان کی جدوجہد اور قربانی کا ثمر ہے کہ آج اس ملک کے کونے کونے میں جمہوریت کا بول بالا ہے، بی بی کی پیدائش کے دن ہم انہیں خراج تحسین پیش کرتے ہیں اور یہ عہد کرتے ہں کہ ہم ان کے جمہوری اصولوں کی ہمیشہ پاسداری کریں گےاور جمہوریت کی مضبوطی کیلئے ان کی متعین کردہ راہ سے کبھی انحراف نہیں کریں گے۔ تقریب میں جیوے بھٹو اور جیوے بے نظیر بھٹو کے نعرے بھی لگائے گئے۔ بعد میں کیک سویٹ ہومز بھجوا دیا گیا۔
فرمان الہی
نماز کے اوقات
