فرمان الہی
نماز کے اوقات
شہر قائد میں بارش کے بعد کی صورتحال پر میئر کراچی بیرسٹر مرتضیٰ وہاب کا کہنا ہے کہ شہر میں کسی مقام پر پانی جمع نہیں ہے۔ کراچی کے ضلع وسطی میں بارش کے بعد نکاسی کا کام تقریباً مکمل کرلیا ہے۔
ایک بیان میں میئر کراچی کا کہنا تھا کہ ناگن چورنگی، کے ڈی اے چورنگی کلیئر ہیں، سخی حسن کے اطراف بھی سڑکیں کلیئر ہیں۔
میئر کراچی نے بتایا کہ حیدری اور پاور ہاؤس چورنگی پر ٹیمیں کام کر رہی ہیں جہاں سے نکاسی کا کام جلد مکمل کرلیا جائے گا۔
ان کا کہنا تھا کہ یہاں بعض نشیبی علاقوں سے پانی کی نکاسی کا کام کیا جارہا ہے۔
انہوں نے مزید کہا کہ الحمداللّٰہ دیگر سڑکوں پر ٹریفک رواں دواں ہے، مزید کسی علاقے سے کوئی شکایت موصول نہیں ہوئی۔
