فرمان الہی
نماز کے اوقات
جیو ٹی وی کا بلاک بسٹر ڈرامہ سیریل ’تیرے بن‘ ختم ہوگیا لیکن اس کا سحر پڑوسی ملک پر اب بھی باقی ہے۔ بھارتی اداکار نکول مہتا اداکار وہاج علی اور اداکارہ یمنیٰ زیدی کے دیوانے ہوگئے۔
سُپر ہٹ ڈرامے ’تیرے بن‘ کی دلچسپ کہانی اور فنکاروں کی شاندار پرفارمنس نے ہر ایک کو اپنا گرویدہ بنا لیا، ناصرف پاکستان بلکہ بھارت اور بنگلہ دیش میں بھی ناظرین کی بڑی تعداد نے اس ڈرامے اور اس کے اداکاروں کو خوب سراہا۔
مداحوں کی اس قدر دلچسپی اور سوشل میڈیا پر مسلسل ٹرینڈ کا حصہ بننے کے بعد اس ڈرامے کی مقبولیت نے بھارتی اداکار نکول مہتا کو بھی ڈرامہ دیکھنے پر مجبور کردیا۔
فوٹو اینڈ ویڈیو شیئرنگ پلیٹ فارم انسٹاگرام پر بھارتی اداکار نکول مہتا نے ڈرامہ سیریل ’تیرے بن‘ کا مختصر ویڈیو کلپ اسٹوری میں شیئر کیا۔
اس کے ساتھ ہی بھارتی اداکار نے اداکار وہاج علی اور اداکارہ یمنیٰ زیدی کی تعریف کرتے ہوئے کیپشن لکھا کہ ’بلآخر جس کا اتنا چرچا تھا، اسے دیکھ ہی لیا‘۔
بھارتی اداکار کی جانب سے سراہے جانے پر اداکار وہاج علی اور یمنیٰ زیدی نے خوشی کا اظہار کیا اور جواباً ان کی اسٹوری کو ری شیئر کرتے ہوئے ان کا شکریہ ادا کیا۔
