کراچی (اسٹاف رپورٹر) پاکستان ہاکی فیڈریشن کے زیر اہتمام جاری فائیو اے سائیڈ ہاکی ٹورنامنٹ کے دوران اولمپک ویک کے حوالے سے نیشنل ہاکی اسٹیڈیم لاہور میں تقریبات کا انعقاد ہوا جس کی خاص بات لاہور کے مختلف اداروں سے بڑی تعداد میں آنے والے اسپیشل بچوں کی آمد تھی جنہوں نے سابق اولمپینز کے ساتھ ون بائی ون ہاکی کھیلی۔ اس موقع پر پاکستان ہاکی فیڈریشن کی جانب سے اسپیشل بچوں میں ہاکی اسٹکس بھی تقسیم کیں گئیں۔ قبل ازیں انڈر 14 خواتین ہاکی کھلاڑیوں کے درمیان میچ کھیلا گیا۔ اولمپک ویک کی تقریبات کے سلسلہ میں سابق اولمپیئنز، انٹرنیشنل اور قومی کھلاڑیوں کے درمیان نمائشی میچ بھی کرایا گیا۔ نمایاں اولمپیئنز میں طاہر زمان، خواجہ جنید ، عثمان شیخ شامل تھے۔
فرمان الہی
نماز کے اوقات
