ملتان ،لاہور (پ ر، این این آئی) قائم مقام امیر جماعت اسلامی لیاقت بلوچ نے قومی اسمبلی میں اپوزیشن لیڈرسید خورشید شاہ سے ٹیلی فون پر رابطہ کیا ،دونوں رہنمائوں کے درمیان عدالتی کمیشن کے قیام کیلئے پارلیمانی کمیٹی میں حکومت اور اپوزیشن میں ڈیڈ لاک پر تبادلہ خیال ہوا اور طے پایا کہ صورتحال پر غور کیلئے عید کے بعد اپوزیشن جماعتوں کا مشترکہ اجلاس بلایا جائے گا،قائم مقام امیر جماعت اسلامی لیاقت بلوچ کی پاکستان عوامی مسلم لیگ کے صدر شیخ رشید احمد سے اسلام آباد میں ملاقات ہوئی،ملاقات میں ملک میں بڑھتے ہوئے سیاسی بحران پر تبادلہ خیال ہوا ،دریں اثناقائم مقام امیرجماعت اسلامی لیاقت بلوچ نے کہا ہے کہ عالمی شہرت یافتہ قوال اور نعت خواں امجد صابری کا قتل بہت بڑا سانحہ ہے،سندھ ہائی کورٹ کے چیف جسٹس کے بیٹے سید اویس شاہ کے اغوا کے بعد کراچی میں یہ دوسری بڑی واردات ہے ،بھارتی ’’را‘‘اور اس کے آلہ کار ایک بار پھر سرگرم ہوگئے ہیں،امن دشمن ٹارگٹ کلرز کراچی میں امن کے قیام کی کوششوں کو ناکام بنانا اور دہشت گردی کے ماسٹر مائنڈ امن کی بحالی کو سبو تاژ کرنا چاہتے ہیں جو سکیورٹی اداروں کیلئے بڑا چیلنج ہے ۔
فرمان الہی
نماز کے اوقات
