فرمان الہی
نماز کے اوقات
انٹرنیشنل کرکٹ کونسل (آئی سی سی) کرکٹ ورلڈ کپ 2023ء کے ٹکٹوں کی فروخت آج سے شروع ہو گی۔
ورلڈ کپ میچز کی جنرل سیل پاکستانی وقت کے مطابق ساڑھے سات بجے شروع ہو گی، دنیا بھر کے کرکٹ فینز آن لائن اپنے پسندیدہ میچز کے ٹکٹ بک کرا سکیں گے۔
زیادہ سے زیادہ فینز آسانی سے ٹکٹ خرید سکیں اس لیے مرحلہ وار ٹکٹوں کی فروخت ہو گی۔
نان انڈیا وارم اپ میچز اور نان انڈیا ایونٹ میچز کے ٹکٹوں کی فروخت بھی آج شروع ہو گی جبکہ انڈیا کے مختلف وینیوز پر ہونے والے میچز کے ٹکٹوں کی فروخت 30 اگست سے شروع ہو گی۔
سیکریٹری بھارتی بورڈ جے شاہ کا کہنا ہے کہ آج ٹکٹوں کی فروخت شروع ہو رہی ہے، وینیوز فینز کو خوش آمدید کہنے کے لیے تیار ہیں۔
دوسری جانب آئی سی سی چیف ایگزیکٹو جیف ایلرڈائس کا کہنا ہے کہ ٹکٹوں کی فروخت کا اعلان کر کے خوشی ہو رہی ہے، تاریخی ایونٹ کا حصہ بننے کے لیے اپنی سیٹیں محفوظ بنالیں۔
