فرمان الہی
نماز کے اوقات
بالی ووڈ سے وابستہ سوشل میڈیا انفلوئنسر و اداکارہ کوشا کپیلا نے ارجن کپور سے ڈیٹنگ کی خبروں پر لب کشائی کر دی۔
خیال رہے کہ بالی ووڈ کے معروف اداکار ارجن کپور کی گزشتہ انسٹاپوسٹ نے زائدالعمر گرل فرینڈ و اداکارہ ملائکہ اروڑا سے علیحدگی کی خبروں کو جنم دیا، تاہم اب خبریں گردش کر رہی ہیں کہ ارجن کپور سوشل میڈیا انفلوئنسر و اداکارہ کوشا کپیلا کو ڈیٹ کر رہے ہیں۔
بحث و مباحثہ کے سوشل میڈیا فورم ’ریڈٹ‘ پر ارجن کپور اور ملائکہ اروڑا کی علیحدگی کی خبریں اس وقت گردش کرنے لگیں جب ایک صارف نے اداکاروں کے قریبی ذرائع سے موصول ہونے والی خبر کو پوسٹ کیا اور لکھا کہ ’ارجن اور ملائکہ اب الگ ہوچکے ہیں، صرف یہ ہی نہیں بلکہ ارجن اب کسی اور کو ڈیٹ کر رہے ہیں، کیا کوئی اندازہ لگا سکتا ہے کہ اب ارجن کس کو ڈیٹ کر رہے ہیں؟
مذکورہ صارف نے مزید انکشاف کرتے ہوئے لکھا کہ ارجن کپور اب سوشل میڈیا انفلوئنسر و اداکارہ کوشا کپیلا کو ڈیٹ کر رہے ہیں۔
تاہم اب ان گردشی خبروں پر کوشا کپیلا نے لب کشائی کرتے ہوئے دعا کی کہ یہ سب میری امی نہ پڑھ لیں‘۔
انہوں نے ان گردشی خبروں کے کمنٹس میں تبصرہ کرتے ہوئے لکھا کہ ’ہر روز میں اپنے بارے میں ایسی بکواس باتیں پڑھ رہی ہوں کہ اب مجھے خود کو اپنے آپ سے متعارف کرانے کی ضرورت پڑگئی ہے‘۔
انہوں نے مزید لکھا کہ ’جب بھی میں اپنے بارے میں کچھ پڑھتی ہوں تو میں صرف یہ امید اور دعا کرتی ہوں کہ میری امی یہ سب نہ پڑھ لیں، ان کی سماجی زندگی نے بہت متاثر ہورہی ہے‘۔
خیال رہے کہ کوشا کپیلا نے بھومی پیڈنیکر اور شہناز گل کے ساتھ فلم ’تھینک یو فار کمنگ‘ میں اداکاری کے جلوے دکھائے ہیں، تاہم انہوں نے چند ماہ قبل اپنے شوہر زوراور اہلووالیا سے علیحدگی اختیار کی ہے۔
