فرمان الہی
نماز کے اوقات
پہلی مرتبہ پاکستان کے دورے پر آنے والی جنوبی افریقہ کی ویمن کرکٹ ٹیم نے پیر کی شب نیشنل اسٹیڈیم میں پریکٹس سیشن میں شرکت کی۔
مہمان ٹیم نے فلڈ لائٹ میں ہونے والی مشقوں کا آغاز فٹبال کھیل کر کیا۔ وارم اپ کے بعد بیٹنگ، بولنگ اور فیلڈنگ کی پریکٹس کی گئی۔
مہمان کرکٹرز نے خود کو موسم سے ہم آہنگ کرنے کی کوشش کرتے ہوئے مشقوں کا سلسلہ جاری رکھا۔
بیٹرز انتہائی جارحانہ اسٹروکس کھیلتی ہوئی نظر آئیں، فاسٹ بولرز اور اسپنرز نے بھی بھرپور ٹریننگ کی۔
جنوبی افریقہ ویمن ٹیم منگل کو بھی پریکٹس سیشن میں شرکت کرے گی جبکہ پاکستان ویمن کرکٹ ٹیم بھی اپنی صلاحیتوں کی جانچ کے لیے میدان کا رُخ کرے گی۔
