فرمان الہی
نماز کے اوقات
پشاور (نیوز ایجنسیاں) مسلم لیگ (ن) کی چیف آرگنائزر مریم نواز نے لندن میں مقیم نواز شریف کو ’’عوام کی امید‘‘ قرار دیتے ہوئے کہا ہے کہ ان کے آنے سے مہنگائی کے اندھیروںاور مایوسی کا خاتمہ ہوگا، 10سال پختونخوا کے وسائل کو صرف لوٹا گیا، ہیلی کاپٹر سے نیچے پاؤں نہ اتارا۔ پاکستان مسلم لیگ (ن) نے خیبر پختونخوا میں صوبائی ڈویژن اور ضلع کی سطح پر آرگنائزنگ کمیٹیوں کی تشکیل اور یوتھ کوآرڈینیٹرز کی تقرری کا مرحلہ مکمل کرلیا۔ اس موقع پرمریم نواز نے کہا کہ صوبے، ڈویژن، ضلع کے بعد اب تحصیل کی سطح پر یوتھ کوآرڈینیٹرز کی تقرری کا حتمی مرحلہ مکمل کرنے جارہے ہیں۔انہوں نے کہا کہ خیبرپختونخوا کو پاکستان مسلم لیگ (ن) کا قلعہ بنانا ہے، صوبے اور عوام کو ترقی سے ہم کنار کریں گے، ترقی کا حق کے پی کے کو بھی ہے، 10 سال خیبر پختونخوا کے وسائل کو صرف لوٹا گیا، ہیلی کاپٹر سے نیچے پاؤں نہ اتارا، نوجوان سیلاب کے پانیوں میں مدد کے لیے پکارتے رہے۔
