فرمان الہی
نماز کے اوقات
کراچی( اسٹاف رپورٹر)میئر کراچی بیرسٹر مرتضیٰ وہاب نے کہا ہے کہ ن لیگ کی قیادت سے کہوں گا کہ ان گائیڈڈ میزائل کو بھیجنے سے تعلقات خراب ہوں گے، کراچی والوں کو وہ شخص چاہئے جو کام کرسکے، پیپلزپارٹی کا میئر سارے شہر کی نمائندگی کرتا ہے، گذری،ابراہیم حیدری اور ماڑی پور سے الیکشن لڑوں گا، منگھو پیر میں فٹ بال اسٹیڈیم کا قیام علاقے کے عوام کا دیرینہ مطالبہ تھاجسے پیپلزپارٹی کی سندھ حکومت نے پورا کیا ہے، یہ بات انہوں نے بدھ کے روز منگھو پیر میں فٹ بال اسٹیڈیم کا افتتاح کرنے کے بعد تقریب سے خطاب کرتے ہوئے کہی، میئر کراچی نے کہا کہ منگھوپیر میں شاندار فٹ بال گراؤنڈ سندھ حکومت کے اشتراک سے تعمیر کیا گیا ہے، پیپلزپارٹی خدمت کی سیاست پر یقین رکھتی ہے،میئر کراچی نے کہا کہ ہم پاک فوج کے جوانوں پر فخر اور چھ ستمبر کے تمام شہداء کو خراج عقیدت پیش کرتے ہیں،کل ایک چیمپئن آیا تھا اور کہہ رہا تھا ہم نے کراچی والوں کو بہت کچھ دیا،میں میاں نواز شریف کا احترام کرتا ہوں البتہ ن لیگ کی قیادت سے کہوں گا کہ ان گائیڈڈ میزائل کو بھیجنے سے تعلقات خراب ہوں گے۔
