فرمان الہی
نماز کے اوقات
گورنر پنجاب محمد بلیغ الرحمٰن نے کہا ہے کہ جاپان اپنی ٹریول ایڈوائزری پر نظرثانی کرے، پاکستان سیاحتی اعتبار سے پُرامن ملک ہے۔
محمد بلیغ الرحمٰن سے پاکستان میں تعینات جاپان کے سفیر نے ملاقات کی جس میں تجارت، سیاحت اور تعلیم کے شعبوں میں دو طرفہ تعاون کو بڑھانے پر تبادلۂ خیال کیا گیا۔
اس موقع پر گورنر پنجاب نے کہا کہ پاکستانی ٹیکسٹائل انڈسٹری میں اسپننگ ملز جاپانی ٹیکنالوجی استعمال کر رہی ہیں، جاپان میں مقیم پاکستانی اس کی معیشت کی ترقی میں مثبت کردار ادا کر رہے ہیں۔
انہوں نے کہا کہ جاپانی آٹو موبائلز کی اچھے معیار کی وجہ سے پاکستان میں مانگ ہے، پاکستان اور جاپان کے درمیان تجارت کا حجم بڑھانے کی ضرورت ہے۔
گورنر پنجاب نے مزید کہا کہ تعلیمی شعبے میں دونوں ممالک کے طلبہ کے وفود کے تبادلے ہونے چاہئیں، جاپان سے طلبہ یہاں آ کر یونیورسٹیوں میں تعلیم حاصل کریں۔
ملاقات میں جاپانی سفیر نے کہا کہ عوامی سطح پر رابطے بڑھانےکے لیے تعلیمی اور تجارتی وفود کے تبادلوں کی ضرورت ہے۔
