فرمان الہی
نماز کے اوقات
شدید عالمی دباؤ کے بعد مودی حکومت نے کینیڈا میں قتل ہونے والے سکھ رہنما ہردیپ سنگھ نجر کے کیس میں تعاون پر آمادگی ظاہر کر دی ہے۔
نیو یارک میں بھارتی وزیرِ خارجہ سبرا منیم جے شنکر نے کہا ہے کہ کوئی حکومت انہیں ہردیپ سنگھ نجر قتل کے حوالے سے ٹھوس چیز فراہم کرے تو وہ یقینی طور پر اس کا جائزہ لیں گے۔
انہوں نے کہا کہ کینیڈین حکومت کو منظم جرائم کی قیادت سے متعلق معلومات دی ہیں۔
واضح رہے کہ کینیڈین وزیرِ اعظم جسٹن ٹروڈو نے پارلیمنٹ میں کھڑے ہو کر الزام عائد کیا تھا کہ ہردیپ سنگھ نجر کے قتل میں بھارتی خفیہ ایجنسی ’را‘ ملوث ہے۔
اس معاملے پر کینیڈین حکومت نے بھارتی خفیہ ایجنسی ’را‘ کے سربراہ کو ملک بدر کر دیا تھا جس کے جواب میں بھارت نے سبکی مٹانے کے لیے سینیئر کینیڈین سفارت کار کو بھی کینیڈا چھوڑنے کا حکم دیا تھا۔
خالصتان تحریک کے رہنما ہردیپ سنگھ نجر کے قتل پر امریکا اور برطانیہ سمیت کئی ممالک کا دباؤ تھا کہ بھارت اس معاملے پر کینیڈین حکام سے تعاون کرے۔
