فرمان الہی
نماز کے اوقات
قومی کرکٹ ٹیم کے کپتان بابر اعظم نے نیدرلینڈز کے خلاف 81 رنز سے فتح کے بعد ٹیم کی کارکردگی پر اطمینان کا اظہار کیا ہے۔
حیدر آباد دکن میں کھیلے میچ کے بعد نیدرلینڈز کے کپتان اسکاٹ ایڈورڈز اور بابر اعظم نے اپنی ٹیموں کی کارکردگی سے متعلق اظہار خیال کیا۔
بابر اعظم نے کہا کہ میچ کے رزلٹ سے مطمئن ہوں، ہم مجموعی طور پر اچھا کھیلے ہیں، حیدر آباد کی عوام نے بھی سپورٹ کیا۔
انہوں نے مزید کہا کہ میچ میں ابتدائی 3 وکٹیں گرنے کے بعد محمد رضوان اور سعود شکیل نے زبردست پرفارم کیا۔
گرین شرٹس کے کپتان نے یہ بھی کہا کہ سعود شکیل نے ایک روزہ کرکٹ میں شاندار صلاحیتیں دکھائیں، فاسٹ بولرز کی کارکردگی سے بھی مطمئن ہوں۔
دوسری طرف نیدرلینڈز کے کپتان نے کہا کہ پاکستان کے خلاف میچ میں ہم نے اچھا کھیلا، مجھے رزلٹ سے مایوسی ہوئی ہے۔
انہوں نے کہا کہ میرا خیال ہے ہم نے پاکستان کو آخر میں زیادہ رنز کرنے دیے، ہم ایک موقع پر میچ جیتنے کی پوزیشن میں تھے۔
