فرمان الہی
نماز کے اوقات
عالمی ادارۂ صحت (ڈبلیو ایچ او) نے غزہ کے اسپتالوں سے مریضوں کی بے دخلی کو سزائے موت کے مترادف قرار دے دیا۔
عالمی ادارۂ صحت کی جانب سے کہا گیا ہے کہ 2 ہزار زیرِ علاج مریض جنوبی غزہ کے بھرے ہوئے اسپتالوں میں نہیں جا سکتے، 22 اسپتالوں سے مریضوں کی منتقلی کا حکم قابلِ مذمت ہے۔
اسرائیلی اخبار کے مطابق 10 ہزار اسرائیلی فوجیوں کے غزہ پر زمینی حملے اور قبضے کا منصوبہ ہے، اس دوران کم از کم محدود مدت کے لیے غزہ کو کنٹرول کیا جائے گا۔
اسرائیلی اخبار کے مطابق یحییٰ سنوار کو قتل کرنا اولین ترجیح قرار دیا گیا ہے اور اسرائیلی فوج کو ہر مشتبہ شخص کو فوری گولی مارنے کی اجازت ہو گی۔
دوسری جانب امریکا کے شہر نیویارک میں یہودیوں نے غزہ کے حق میں مظاہرہ کیا، اس دوران کئی یہودی غزہ پر بمباری اور فاسفورس حملے پر آبدیدہ ہو گئے۔
یہودیوں کا مؤقف تھا کہ غزہ کے عام شہریوں پر حملے توریت کی تعلیمات کے خلاف ہیں۔
یہودی شرکاء کا کہنا تھا کہ غزہ میں عام شہریوں پر حملے نسل کشی ہے۔
یہودی مظاہرین نے ’ہمارے نام یہ قبول نہیں‘ کے نعرے بھی لگائے۔
