فرمان الہی
نماز کے اوقات
چین میں منعقدہ تیسرے بیلٹ اینڈ روڈ فورم کے موقع پر نگراں وزیراعظم انوارالحق کاکڑ اور روسی صدر ولادیمیر پیوٹن کے درمیان ملاقات ہوئی۔
اعلامیہ کے مطابق روسی صدر نے نگراں وزیراعظم انوارالحق کاکڑ کا استقبال کیا، دونوں رہنماؤں نے علاقائی تعاون کے فروغ کیلئے خطے میں روابط کی مضبوطی کی اہمیت پر زور دیا۔
ملاقات میں باہمی دلچسپی کے امور اور علاقائی و بین الاقوامی امور پر گفتگو کی گئی، دونوں رہنماؤں نے تجارت، سرمایہ کاری اور توانائی کے شعبوں میں تعاون پر بات چیت کی۔
اعلامیہ میں بتایا گیا کہ دونوں رہنماؤں نے روس پاکستان کے بڑھتے ہوئے تعلقات پر اطمینان کا اظہار کیا۔
ملاقات میں یورپ اور ایشیا کے درمیان مواصلاتی روابط بڑھانے پر بات چیت، کی گئی۔
وزیراعظم انوارالحق کاکڑ اور روسی صدر نے علاقائی و عالمی امور بشمول مشرق وسطیٰ میں ابھرتی صورتحال پر بھی گفتگو کی۔
