فرمان الہی
نماز کے اوقات
لاہور (نیوز ایجنسیاں) پاکستان مسلم لیگ(ن)کے قائد اور سابق وزیراعظم نواز شریف لندن سے 4سال بعد واپسی پر اپنے گھر رائیونڈ پہنچے۔ تفصیلات کے مطابق نواز شریف کی 4 سال بعد گھر واپسی رائیونڈ میں تمام اہل خانہ کیلئے عید کا سماں ہو گئی، نواز شریف کی ہمشیرہ نے گھر میں داخل ہونے پر بھائی کا استقبال کیا۔سابق وزیر اعظم نے خواتین کے سروں پر ہاتھ رکھا اور ہر ایک سے خیریت دریافت کی۔ بکرے کا صدقہ دیا گیا، اسکے بعد شریف خاندان کے تمام افراد اور بچوں نے ملکر نواز شریف کا استقبال کیا، مرحوم عباس شریف کے اہل خانہ سمیت تمام عزیز واقارب اور بچوں نے نواز شریف سے ملاقات کی، اس موقع پر جذباتی مناظر دیکھنے میں آئے۔ مزید برآں نواز شریف نے فردا فردا اہل خانہ کا حال دریافت کیا، بچوں کو گلے لگا کر پیار کیا، اس موقع پر اہل خانہ کی خوشی دیدنی تھی۔
