فرمان الہی
نماز کے اوقات
مسلم لیگ (ن) کے رہنما کیپٹن (ر ) صفدر کا کہنا ہے کہ اب لائن وہاں لگے گی جہاں نواز شریف کھڑے ہوں گے۔
کیپٹن صفدر جوڈیشل مجسٹریٹ فیصل الاسلام کی عدالت میں پیش ہوئے، ان کے ہمراہ خرم دستگیر بھی تھے۔
اس موقع پر میڈیا سے گفتگو کرتے ہوئے کیپٹن صفدر کا کہنا ہے کہ نوازشریف کے ساتھی بجھےہوئے دیے پر وفا کرتے ہیں، دیا جلتا ہےتو پھر تو پتنگے بھی آ جاتے ہیں اور لفنگے بھی آ جاتے ہیں۔
اُنہوں نے کہا کہ جس نے اس ریاست کے ساتھ زیادتی کی خدا نے اسے پکڑ لیا، اب لائن وہاں لگے گی جہاں نواز شریف کھڑے ہوں گے۔
مسلم لیگ ن کے رہنما نے کہا کہ پیپلز پارٹی سے ہمارا میثاقِ جمہوریت ہے، جب ہم ایک دوسرے کے خلاف بیان بازی کرتے ہیں تو فائدہ نہیں ہوتا۔
اُنہوں نے کہا کہ نواز شریف جیل میں تھے آپ ان کی پارٹی نہیں توڑ سکے۔
کیپٹن صفدر نے اپنی بات کی وضاحت کرتے ہوئے کہا کہ آپ سے مراد فیض حمید اینڈ کمپنی ہے، نواز شریف جیل میں بیٹھ کر الیکشن جیت گئے تھے، رات کو فیض حمید اینڈ کمپنی نے گڑ بڑ کی اور جیتی ہوئی پارٹی کو پابندِ سلاسل کر دیا۔
