• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لندن میں نواز شریف سے ملاقات میں الیکشن کی حکمت عملی طے کی ہے، قادر مگسی

آج کا اخبار
ملک بھر سے
30 اکتوبر ، 2023
نواب شاہ (محمد انور شیخ بیورو رپورٹ) سندھ ترقی پسند پارٹی کے چیئرمین ڈاکٹر قادر مگسی نے کہا کہ نواز شریف کی خواہش ہے کہ انہیں چند ماہ کے لیے ہی سہی ایک مرتبہ وزیراعظم بنایا جائے تاکہ وہ یہ ثابت کر سکیں کہ انہیں غلط نکالا گیا تھا پریس کلب میں میڈیا سے گفتگو کرتے ہوئے انہوں نے کہا کہ میری لندن میں نواز شریف سے ملاقات ہوئی جس میں ہم نے ائندہ انتخابات کی حکمت عملی طے کی ہے۔ انہوں نے کہا کہ نواز شریف ہمارے پرانے دوست ہیں وہ میرے آفس میں پانچ گھنٹے ملاقات کر کے گئے تھے ڈاکٹر قادر مگسی کا کہنا تھا کہ ہم نے خادمین سندھ کے نام سے گروپ تشکیل دیا ہے اور ہم سیاسی پارٹیوں میں پیپلز پارٹی اور ایم کیو ایم کے علاوہ دیگر پارٹیوں سے سیٹ ایڈجسٹمنٹ کریں گے انہوں نے کہا کہ میں نے 2018کے انتخابات آصف علی زرداری کے مقابلے میں اس لیے فارم جمع کرائے تھے کہ وہ بلا مقابلہ منتخب ہونا چاہ رہے تھے انہوں نے کہا کہ آصف علی زرداری نوٹوں کے بکس تقسیم کر کے انتخابات جیتتے ہیں انہوں نے کہا کہ آصف علی زرداری کے شہر میں مظلوم کے ساتھ کھڑا ہونا جرم قرار دے دیا گیا ہے ۔
ملک بھر سے سے مزید