فرمان الہی
نماز کے اوقات
دنیا کے آلودہ ترین شہروں میں لاہور کا آج بھی دوسرا نمبر ہے، گزشتہ روز بھی لاہور کی فضا خطرناک حد تک آلودہ رہی۔
ایئر کوالٹی انڈیکس کی رپورٹ کے مطابق لاہور آلودہ ترین شہروں کی فہرست میں آج بھی دوسرے نمبر پر ہے جس کی فضا میں آلودگی 336 پرٹیکیولیٹ میٹر ریکارڈ کی گئی ہے۔
ایئر کوالٹی انڈیکس کے مطابق لاہور کا فضائی معیار خطرناک حد تک مضرِ صحت ہے۔
دوسری جانب پاکستان کے معاشی حب کراچی کی فضا میں آلودگی میں کمی واقع ہوئی ہے۔
کراچی آلودہ ترین شہروں کی فہرست میں چوتھے نمبر پر ہے جبکہ کراچی کا فضائی معیار بھی مضر صحت ہے۔
کراچی کی فضا میں آلودگی 190 پرٹیکیولیٹ میٹر ریکارڈ کی گئی ہے۔
دوسری جانب ایئر کوالٹی انڈیکس کا بتانا ہے کہ دنیا کے آلودہ ترین شہروں میں بھارتی دارالحکومت نئی دلی پہلے نمبر پر جس کی فضا میں آلودگی 441 پرٹیکیولیٹ ریکارڈ کی گئی ہے۔
ایئرکوالٹی انڈیکس کے مطابق 151 سے 200 تک آلودگی مضر صحت، 201 سے 300 تک انتہائی مضر جبکہ 301 سے اوپر آلودگی خطرناک ترین ہے۔
