فرمان الہی
نماز کے اوقات
مسلم لیگ ن کے رہنما ایاز صادق کا کہنا ہے کہ ہم نواز شریف کو وزیرِ اعظم دیکھ رہے ہیں۔
ایم کیو ایم کے وفد کی مسلم لیگ ن سے ملاقات ختم ہونے کے بعد لیگی رہنما ایاز صادق نے ماڈل ٹاؤن میں میڈیا سے گفتگو کے دوران کہا ہے کہ جو مطالبات آ رہے ہیں وہ پاکستان کی بہتری کے لیے آ رہے ہیں۔
ایک صحافی نے ان سوال کیا کہ بلاول بھٹو نے کہا ہے کہ وزیرِ اعظم لاہور سے نہیں ہو گا۔
جواب میں ایاز صادق نے کہا کہ لاہور سے نہیں ہو گا یہ خواہش تو ہو سکتی ہے، ہر جماعت کی اپنی خواہش ہوتی ہے کہ کون کہاں سے ہو۔
انہوں نے مزید کہا کہ چند دنوں میں بلوچستان جا رہا ہوں، قائد بھی وہاں جائیں گے، ایم کیو ایم کا وفد ملا ہے، اور لوگ بھی ملنا چاہ رہے ہیں۔
ایاز صادق کا یہ بھی کہنا ہے کہ پاکستان کے مفاد کے لیے ہم اکٹھے ہوں گے۔
