فرمان الہی
نماز کے اوقات
اسرائیلی فوج فلسطینی مرحوم رہنما یاسر عرفات سے بھی خوف میں مبتلا ہوگئی، مغربی کنارے میں فلسطینی رہنما یاسر عرفات کی یادگار توڑ دی گئی۔
طولکرم پناہ گزین کیمپ کے قریب یاسر عرفات کی یادگار اسرائیلی فوج نے بلڈوز کر دی۔
واضح رہے کہ اسرائیلی فوج نے کئی دن کے محاصرے کے بعد غزہ کے سب سے بڑے الشفا اسپتال پر دھاوا بول دیا، اسرائیلی فوجی الشفا اسپتال میں داخل ہوگئی، جس کے بعد ایمرجنسی اور سرجیکل وارڈز کی تلاشی لی۔
ڈاکٹروں نے مریضوں کو چھوڑ کر اسپتال سے نکلنے سے انکار کردیا، نومولود بچوں کو دوسرے وارڈز میں منتقل کرنا پڑا، مریض، طبی عملہ، بے گھر افراد اسپتال میں محصور ہوگئے، اسپتال سے 200 فلسطینیوں کو حراست میں لے لیا گیا۔
اسرائیلی ریڈیو کے مطابق اسپتال سے کوئی یرغمالی نہیں ملا، اسرائیلی فوج نے اسپتال سے اسلحہ ملنے کا دعویٰ کیا۔ ڈاکٹروں اور حماس نے اسرائیلی دعویٰ جھوٹا قرار دے دیا۔
عالمی ادارہ صحت نے الشفا اسپتال میں طبی عملے سے رابطے منقطع ہونے کی تصدیق کردی، جبکہ حماس نے الشفا اسپتال پر حملے کی ذمہ داری امریکی صدر بائیڈن پر عائد کر دی۔
