فرمان الہی
نماز کے اوقات
راولپنڈی میں دو مسلح گروپوں کے درمیان فائرنگ سے خاتون جاں بحق اور 4 افراد زخمی ہوگئے۔
پولیس کا کہنا ہے کہ تھانہ چونترہ کے علاقے سنگرال میں 2 مسلح گروپوں میں فائرنگ کا تبادلہ ہوا، جس کے نتیجے میں خاتون جاں بحق اور 4 افراد زخمی ہوگئے۔
دونوں گروپوں میں فائرنگ کا تبادلہ زمین پر قبضے کے معاملے پر ہوا، جاں بحق خاتون کی شناخت سجیلہ کے نام سے ہوئی۔
پولیس کا کہنا ہے کہ فائرنگ خاندانی تنازعہ پر لڑائی جھگڑے کے دوران ہوئی، زخمیوں کو اسپتال منتقل کیا جا رہا ہے۔
سٹی پولیس آفیسر (سی پی او) خالد ہمدانی نے سپرنٹنڈنٹ آف پولیس (ایس پی) صدر کو ملزمان کی گرفتاری کا حکم دے دیا۔
