فرمان الہی
نماز کے اوقات
کراچی( اسٹاف رپورٹر)کراچی پریس کلب کا سالانہ فیملی فن گالا اب ایک روایت بن گئی ہے، کلب کے صدر سعید سربازی،سیکرٹری شعیب احمد، جوائنٹ سیکرٹری اور چیف آرگنائزر محمداسلم خان نے فیملی فن گالہ کو یادگار بنانے کے لیے بھرپور انتظامات کیے تھے ،فیملی فن گالا میں بچوں نے مختلف جھولوں میں اپنی دلچسپی کا اظہار کیا، بچوں کے لیے مختلف کھیلوں کی سرگرمیوں کا انتظام بھی تھا ، شیما کرمانی نے فلسطین میں جاری اسرائیلی جارحیت کے خلاف اور مظلوم فلسطینیوں سے اظہار یکجہتی کے لئے خصوصی اسٹیج ڈرامہ پیش کیا جبکہ غزہ میں جاری اسرائیلی جارحیت کو اجاگر کرنے کے بچوں کے تصویری مقابلے بھی کروائے گئے ،پریس کلب انتظامیہ کی جانب سے ممبران کے لیے محفل سماع کا انعقاد بھی کیا گیا تھا ، انتظامیہ کی جانب سے ممبران کو تحائف دیئے گئے،فیملی فن گالہ میں شریک بچوں کا کہنا تھا کہ اس تقریب کا ہمیں پورا سال انتظار رہتا ہے ، سعید سربازی اور شعیب احمدکا کہنا تھا کہ ہم اپنی بھرپور کوشش کرتے ہیں کہ کلب کے ممبران اور ان کے اہل خانہ کے لیے ایسی سرگرمیوں کا انتظام کیا جائے تاکہ وہ پرسکون لمحات گذار سکیں،تقریب میں مختلف شعبہ ہائے زندگی سے تعلق رکھنے والی شخصیات نے بھی شرکت کی۔
