پشاور (این این آئی)صوابی سے زکریا نامی دلہا اپنی دلہن لینے ہیلی کاپٹر میں پشاور پہنچ گیا۔یہ بارات پشاور کے مضافاتی اچینی بالا میں آئی جہاں کے رہائشی رحمان شاہ کی بیٹی کی رخصتی ہیلی کاپٹرمیں ہوئی۔زکریا کو ہیلی کاپٹر کے ذریعے سسرال اور واپس جانے میں تقریباًساڑھے تین گھنٹے لگے جس کا مجموعی کرایہ 8لاکھ روپے آیا ‘پولیس نے بتایا کہ دلہا دلہن کی خواہش پوری کرتے ہوئے اسے ہیلی کاپٹر میں لے گیا۔ اس موقع پر مضافاتی علاقے میں ہیلی کاپٹر کو دیکھ کر مقامی افراد کافی حیران بھی ہوئے اور بڑی تعداد میں بارات دیکھنے بھی پہنچے۔دولہاسمیت 6افراد ہیلی کاپٹرمیں آئے تھے ‘مقامی میڈیا کے مطابق پشاور سے نجی ہیلی کاپٹر پہلے صوابی ʼ پھربارات لے کر اچینی بالاپشاور اوروہاں سے دلہن بٹھاکربارات لے کر صوابی اورپھرپشاور تک واپسی میں کل ساڑھے تین گھنٹہ سے زائد وقت لگا۔
فرمان الہی
نماز کے اوقات
