اسرائیلی فوج کا ایک اور ہولناک جنگی جرم سامنے آگیا

29 نومبر ، 2023

اسرائیلی فوج کا ایک اور ہولناک جنگی جرم سامنے آگیا، غزہ کے النصر اسپتال میں قبل از وقت پیدا ہونے والے متعدد بچے مردہ پائے گئے۔

اسرائیلی فوج نے کچھ ہفتے پہلے ان بچوں کے گھر والوں اور عملے کو اسلحے کے زور پر اسپتال سے باہر نکال دیا تھا۔

بچوں کے النصر اسپتال کے ایمرجنسی روم کی ویڈیو المشہد ٹی وی نے جاری کردی، اس میں قبل از وقت پیدا ہونے والے اُن بچوں کی لاشیں پڑی ہیں جنہیں اسرائیلی فوج نے وہیں اکیلا چھوڑ دیا۔

فوٹیج میں نوزائیدہ بچوں کی گلی ہوئی لاشیں دیکھی جا سکتی ہیں، جن میں کیڑے پڑ گئے ہیں۔

شمالی غزہ میں بچوں کے النصر اسپتال کو اسرائیلی فورسز نے 10 نومبر کے حملوں میں ناکارہ بنا دیا تھا، اسپتال کو ٹینکوں سے گھیر کر وہاں موجود تمام لوگوں کو آدھے گھنٹے کے اندر اسپتال خالی کرنے کا حکم دیا تھا۔

ڈاکٹروں کے مطابق اسرئیلی فوج نے ڈاکٹروں کو قبل از وقت پیدا ہونے والے بچوں کو وہاں سے لے جانے کی اجازت نہیں دی۔

بین الاقوامی خبریں سے مزید