• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

القسام بریگیڈ کے یرغمالیوں میں 3 اسرائیلی بمباری سے مر گئے

تازہ ترین
بین الاقوامی خبریں
29 نومبر ، 2023


عرب میڈیا کا کہنا ہے کہ حماس کے القسام بریگیڈ نے 7 اکتوبر کو جن اسرائیلیوں کو یرغمال بنایا تھا ان میں سے 3 اسرائیلی بمباری سے مارے جاچکے ہیں۔

 ترجمان اسرائیلی حکومت نے بھی غزہ میں قید 3 اسرائیلی یرغمالیوں کی ہلاکت کی تصدیق کردی ہے۔

دوسری جانب آج مغربی کنارے کے شہر جنین میں اسرائیلی فورسز نے فائرنگ کر کے 2 فلسطینی بچوں کو شہید کردیا۔

اسرائیلی فوج کا ایک اور ہولناک جنگی جرم سامنے آگیا

اسرائیلی فوج نے کچھ ہفتے پہلے بچوں کے گھر والوں، عملے کو النصر اسپتال سے نکال دیا تھا۔

آج غزہ میں عارضی جنگ بندی کا چھٹا اور آخری روز ہے، القسام بریگیڈ نے دو روسی یرغمالیوں کو رہا کر دیا، رہائی روس کی درخواست پر کی گئی۔

 عرب میڈیا کے مطابق جنگ بندی میں توسیع کے لیے حماس رضا مند ہے، قطر اور امریکا کو اسرائیل سے بھی رضا مندی ملنے کی قوی امید ہے۔

معاہدے کے تحت آج 10 اسرائیلی یر غمالیوں کے بدلے 30 فلسطینی قیدی رہا ہوں گے، فلسطینی سماجی کارکن احد تمیمی کی رہائی کا بھی امکان ہے۔

بین الاقوامی خبریں سے مزید