پی ٹی آئی کور کمیٹی کا اجلاس، انٹراپارٹی الیکشنز کی تیاریوں پر بریفنگ

پاکستان تحریک انصاف (پی ٹی آئی) کی کور کمیٹی کا اجلاس ہوا جس میں انٹراپارٹی الیکشنز کی تیاریوں پر تفصیلی بریفنگ دی گئی۔ 

اس حوالے سے جاری اعلامیے کے مطابق کور کمیٹی نے انٹراپارٹی انتخابات کی تیاریوں پر اطمینان کا اظہار کیا۔ 

اجلاس کے دوران بطور عبوری چیئرمین نامزدگی پر بیرسٹر گوہر علی خان کو مبارکباد پیش کی گئی۔ 

انٹراپارٹی انتخابات اور جماعتی امور کی انجام دہی کےلیے بیرسٹر گوہر کےلیے نیک خواہشات کا اظہار کیا گیا۔ 

پی ٹی آئی کور کمیٹی نے انٹرا پارٹی انتخابات کے لائحہ عمل کی منظوری دے دی

تحریک انصاف کی کور کمیٹی اجلاس کا اعلامیہ جاری کردیا گیا۔

اجلاس نے بیرسٹر گوہر علی کی نامزدگی کو تقسیم و انتشار کا تاثر قائم کرنے کی کاوشوں پر کاری ضرب قرار دیا۔ 

کور کمیٹی کا کہنا تھا کہ بانی چیئرمین کے موروثی سیاست کے خاتمے کے ویژن کی تائید و توثیق ہوئی ہے۔

کمیٹی نے یہ بھی کہا کہ بانی چیئرمین کے اہلِ خانہ کو بےجا سیاست میں گھسیٹنے کا سازشی بیانیہ اپنی موت مرچکا۔ محنتی، وفا شعار کارکن کی نامزدگی بانی چیئرمین کے ویژن کی عملی نظیر ہے۔

پی ٹی آئی کور کمیٹی نے نیاز اللّٰہ نیازی کی بطور چیف الیکشن کمشنر تحریک انصاف تعیناتی پر مبارکباد دی۔