ایس ای سی پی نے قرض دینے والی غیر قانونی ایپس ختم کردیں

سیکیورٹیز اینڈ ایکسچینج کمیشن آف پاکستان (ایس ای سی پی) نے قرض دینے والی غیر قانونی ایپس ختم کردیں۔ 

اس حوالے سے جاری اعلامیہ میں ایس ای سی پی کا کہنا ہے کہ کمیشن نے قرض دینے والی ایپس سے متعلقہ شکایات ختم کرنے پر خصوصی زور دیا۔ 

اس میں کہا گیا کہ گوگل، پاکستان ٹیلی کمیونیکیشن اتھارٹی (پی ٹی اے)، فیڈرل انویسٹیگیشن ایجنسی (ایف آئی اے) کے اشتراک سے قرض دینے والی غیرقانونی ایپس ختم کیں۔

ایس ای سی پی کاعوام کو غیر منظورشدہ لون ایپ سے ہوشیار رہنے کا انتباہ

اسلام آبادسکیورٹیز اینڈ ایکسچینج کمیشن آف...

ایس ای سی پی کے مطابق آن لائن قرض دینے کےلیے نان بینکنگ کے معیارات کو بہتر کیا گیا۔ سرمایہ کاروں میں حقوق کی آگاہی کےلیے جمع پونجی کے نام سے پروگرام شروع کیا۔

اعلامیہ میں کہا گیا کہ اسٹاک مارکیٹ میں کاروباری عمل کی تیز نگرانی کا نظام متعارف کروانا اہم کامیابی ہے۔

اس میں ایس ای سی پی کا یہ بھی کہنا تھا کہ مرکزی گیٹ وے پورٹل کے قیام کی منظوری دی گئی۔ خودمختار رجسٹریشن کے نظام سے نئی کمپنیوں کی رجسٹریشن میں اضافہ ہوا۔

120 غیر قانونی لون ایپس بند کروا دیں، ایس ای سی پی

ایس ای سی پی کا کہنا ہے کہ غیرقانونی لون ایپس سے متعلق سنگین شکایات موصول ہوئی تھیں۔

اعلامیہ میں بتایا گیا کہ رجسٹرڈ کمپنیوں کی تعداد ایک لاکھ 96 ہزار 805 ہو گئی۔ 

اس میں بتایا گیا کہ نان بینکنگ کے شعبے میں 35.9 فیصد اضافہ ہوا، انشورنس سیکٹر میں پالیسی اصلاحات کی وجہ سے ریونیو میں 34 فیصد اضافہ ہوا۔