اسپیکرقومی اسمبلی اورقائم مقام صدرسردار ایاز صادق کاکہناہےکہ اسپیکر کی حیثیت سےانہوں نے ہمیشہ غیر جانبداری کا مظاہرہ کیا ،جمہوریت کے استحکام کےلیےضروری ہے کہ اداروں کو مضبوط کیا جائے، مسئلہ کشمیر پر کوئی سمجھوتا نہیں کیا جائے گا۔
لاہورمیں اسٹاف کالج کی پاسنگ آؤٹ تقریب سے خطاب کرتے ہوئےسردار ایاز صادق نےکہاکہ وہ جمہوریت کے رہنما اصول سیکھنے کےلیے نوجوانوں کی حوصلہ افزائی کرتے ہیں،پارلیمانی امور کے بارے میں کوئی لاء کالج تعلیم نہیں دے رہا۔
پارلیمانی تعلیم کےلیے کورسز پڑھائے جانا چاہئیں ،ان کاکہناتھاکہ پارلیمنٹ عوام کی خواہشات کی ترجمان ہے،انتخابی اصلاحات کےلیے 22ویں آئینی ترمیم منظور کی گئی جبکہ دہشت گردوں کے خاتمے کےلیے آپریشن ضرب عضب شروع کیا گیا۔
اسپیکرایاز صادق نےبتایاکہ قومی اسمبلی میں تمام تعیناتیاں فیڈرل پبلک سروس کمیشن کے ذریعے کی جاتی ہیں۔
فرمان الہی
نماز کے اوقات
