• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسرائیل کی سفاکیت، ذہنی معذور فلسطینی کو بھی نہ بخشا

تازہ ترین
بین الاقوامی خبریں
07 دسمبر ، 2023


مقبوضہ مغربی کنارے میں اسرائیلی سفاکیت نے ذہنی معذور فلسطینی کو بھی نہ بخشا۔

مغربی کنارے میں اسرائیلی فوجیوں نے ذہنی معذور فلسطینی کو روک کر اس کی شناخت پوچھی، جس کا وہ جواب نہ دے سکا، ساتھ موجود فلسطینی نے اس کی ذہنی معذوری کا بتایا پھر بھی اسرائیلی فوجیوں نے 34 سالہ طارق پر فائرنگ کردی، شدید زخمی طارق اسپتال میں زیر علاج ہے۔

اسرائیلی فوج کی فلسطینی صحافیوں پر ٹینکوں سے فائرنگ، ویڈیو سامنے آگئی

اسرائیلی ٹینکوں نے غزہ میں صحافیوں اور فوٹوگرافروں پر گولیاں برسائی ہیں۔

دوسری جانب غزہ میں فلسطینی شہریوں کے ساتھ اسرائیلی فوج کے بدترین سلوک کی ویڈیوز اور تصاویر سامنے آئی ہیں، زیر حراست فلسطینیوں کو شدید سردی میں کپڑے اتار کر کھلے مقامات پر بٹھایا گیا۔

اسرائیلی فوج کی زیر حراست افراد میں بزرگ اور نوجوانوں کے علاوہ بچے بھی شامل ہیں، حراست میں لیے گئے فلسطینیوں کا تعلق غزہ کے مختلف علاقوں سے ہے۔

اسرائیلی فوجیوں نے زیرحراست فلسطینیوں کو بغیر کپڑوں کے ہی ٹرکوں میں اسرائیل منتقل کیا۔

 مقبوضہ  7 اکتوبر سے اب تک اسرائیلی فوج مغربی کنارے میں 256 سے زائد فلسطینیوں کو شہید کر چکی ہے، 2 ماہ میں فلسطینی شہداء کی تعداد 17 ہزار سے بڑھ گئی۔

بین الاقوامی خبریں سے مزید