کراچی: متاثرینِ اورنگی، محمود آباد، گجر نالہ کو ادائیگی، میئر کراچی طلب

سپریم کورٹ کراچی رجسٹری نے متاثرینِ اورنگی ٹاؤن، محمود آباد اور گجر نالہ کو گھر اور معاوضے کی ادائیگی سے متعلق کیس میں میئر کراچی اور حکام کو طلب کر لیا۔

عدالتِ عظمیٰ نے سماعت کے دوران سرکاری وکیل سے استفسار کیا کہ عدالتی حکم پر عمل درآمد ہوا یا نہیں؟

متاثرین کے وکیل نے جواب دیا کہ عدالتی احکامات پر عمل درآمد نہیں ہو سکا ہے۔

عدالت نے آئندہ سماعت پر میئر کراچی مرتضیٰ وہاب اور متعلقہ حکام کو طلب کر لیا۔