فرمان الہی
نماز کے اوقات
کراچی میں پورٹ قاسم کے قریب فیکٹری میں آگ لگ گئی۔ آتشزدگی کے نتیجے میں دو افراد جاں بحق ہوگئے۔ مرنے والوں کی لاشیں اس حد تک خراب ہوگئیں کہ ان کی شناخت ڈی این اے ٹیسٹ کے ذریعے ہی ممکن ہے۔
پورٹ قاسم کے قریب نجی اسٹیل ملز میں آگ لگ گئی۔ ابتدائی طور پر موقع پر موجود افراد نے آگ پر قابو پانے کی کوشش کی لیکن آگ بڑھتی چلی گئی جس کے بعد فائر بریگیڈ کو واقعے سے آگاہ کیا گیا۔
فائر بریگیڈ حکام کے مطابق اطلاع ملتے ہی دو گاڑیاں موقع پر روانہ کی گئیں لیکن آگ نے گراؤنڈ فلور کے بعد فرسٹ فلور کو بھی اپنی لپیٹ میں لینا شروع کردیا جس کے بعد مزید گاڑیاں طلب کی گئیں۔
آگ پھیلنے کے باعث آگ کی لپیٹ میں دو ورکرز بھی آگئے اور وہ موقع پر ہی دم توڑ گئے۔
آگ نے پہلی اور دوسری منزل کو بھی نقصان پہنچایا۔ امدادی سرگرمیوں میں فائر بریگیڈ، ریسکیو 1122 اور پورٹ قاسم کے فائر ٹینڈرز شامل رہے۔ آگ پر تقریباً دو گھنٹے میں قابو پایا گیا۔
ابتدائی طور پر مرنے والوں کے نام عابد اور جمیل معلوم ہوئے ہیں لیکن لاشوں کی حالت اس حد تک خراب ہوچکی تھی کہ انہیں بظاہر شناخت کرنا ممکن نہیں تھا جس کے بعد اب ان کا ڈی این اے ٹیسٹ کیا جائے گا۔
دونوں لاشوں کو قانونی کارروائی کے لیے فیکٹری سے جناح اسپتال منتقل کیا گیا جس کے بعد انہیں امانتاً چھیپا سرد خانے میں رکھوادیا گیا ہے۔
