فرمان الہی
نماز کے اوقات
ایشین کرکٹ کونسل (اے سی سی) نے سال 2024ء میں کرکٹ ٹورنامنٹس کا شیڈول جاری کردیا۔
رواں سال جولائی میں ویمنز ٹی ٹوئنٹی ایشیا کپ منعقد ہوگا، اکتوبر 2024 میں مینز ٹی ٹوٹئنی ایمرجنگ ایشیا کپ ہوگا جبکہ دسمبر 2024 میں مینز انڈر 19 ون ڈے ایشیاکپ شیڈول کیا گیا ہے۔
ویمنز ٹی ٹوٹئنٹی ایشیا کپ میں پاکستان، بھارت اور ایک کوالیفائر ٹیم شامل ہوگی۔
بنگلادیش، سری لنکا اور ایک کوالیفائر ٹیم ویمنز ٹی ٹوئنٹی ایشیا کپ میں شرکت کریں گی۔
ایمرجنگ ایشیاکپ میں بھارت اے، پاکستان اے، سری لنکا اے اور ایک کوالیفائر ٹیم شریک ہوگی۔
افغانستان اے، بنگلادیش اے، اور دو کوالیفائر ٹیمیں ایمرجنگ ایشیاکپ میں ایکشن میں ہوں گی۔
انڈر 19 ایشیا کپ میں پاکستان اور بھارت سمیت 8 ٹیمیں شرکت کریں گی۔
27 جنوری سے 11 فروری تک تھائی لینڈ میں ٹی ٹوئنٹی چیلنجر کپ منعقد ہو گا۔ 10 سے 18 فروری کے درمیان ملائیشیا میں اے سی سی ویمنز پریمیئر ٹی ٹوئنٹی کپ کھیلا جائے گا۔
10 اپریل سے 23 اپریل تک اومان میں اے سی سی پریمیئر ٹی ٹوئنٹی کپ شیڈول ہے۔
