فرمان الہی
نماز کے اوقات
ترکیہ نے اسرائیل کے خلاف نسل کشی کے مقدمے کے ثبوت عالمی عدالت انصاف کے سامنے پیش کر دیے۔
عرب میڈیا کے مطابق ترکیہ کے صدر رجب طیب اردوان نے کہا ہے کہ فلسطینی شہریوں کے خلاف نسل کشی کے ارتکاب کے الزام میں اقوامِ متحدہ کی بین الاقوامی عدالت انصاف میں اسرائیل کے خلاف جنوبی افریقا کی طرف سے دائر مقدمے کے لیے دستاویزات جمع کرائے ہیں۔
رپورٹس کے مطابق استنبول میں صحافیوں سے گفتگو کرتے ہوئے ترک صدر نے کہا کہ ترکیہ غزہ پر اسرائیلی حملوں کے بارے میں دستاویزات میں زیادہ تر تصاویر فراہم کرتا رہے گا۔
ترک صدر نے کہا کہ مجھے یقین ہے کہ عالمی عدالت میں اسرائیل کو سزا سنائی جائے گی، ہم بین الاقوامی عدالت انصاف کے انصاف پر یقین رکھتے ہیں۔
ترکیہ کے صدر رجب طیب اردوان نے امید ظاہر کی ہے کہ ترکیہ کی طرف سے جمع کرائے گئے دستاویزات سے جنوبی افریقا کے کیس کو تقویت ملے گی۔
واضح رہے کہ رواں ہفتے عالمی عدالت انصاف میں فلسطینیوں کے قتلِ عام پر اسرائیل کے خلاف جنوبی افریقا کی درخواست پر سماعت ہوئی تھی۔
