فرمان الہی
نماز کے اوقات
مسلم لیگ ن کی نائب صدر مریم نواز نے کہا ہے کہ جتنی تیزی سے شیر پر ٹھپے لگیں گے مہنگائی اتنی تیزی سے ختم ہوگی۔
لاہور میں مریم نواز نے اپنے حلقے پی پی 159 کا دورہ کیا، اس موقع پر پرویز رشید، مریم اورنگزیب اور دیگر قائدین بھی موجود تھے۔
مریم نواز نے وہاں گفتگو کرتے ہوئے کہا کہ حلقے کے عوام کی شکر گزار ہوں، لاہور کے شہریوں شیر کو فتح سے ہمکنار کرواؤ۔
انہوں نے کہا کہ دیکھو آپ کے قریب سے میٹرو اور اسپیڈو بس گزر رہی ہے، آپ کو جگہ جگہ نواز شریف اور شہباز شریف نظر آ رہے ہیں، مسلم لیگ ن نے لاہور میں خدمت کے ریکارڈ قائم کیے تھے۔
مریم نواز نے کہا کہ مسلم لیگ ن کے جانے کے بعد لاہور لاوارث ہوگیا، ان گھس بیٹھیوں کو 8 فروری کے روز لاہور سے باہر پھینک دینا۔
ان کا مزید کہنا تھا کہ لاہور، پنجاب اور پاکستان کی تقدیر بدلیں گے، انشا اللّٰہ، زور سے نعرہ لگایے، نواز شریف رائیونڈ میں ہیں، آواز ان تک جانی چاہیے، 8 فروری کو کوئی گھر میں نہیں بیٹھے گا، سب دیوانہ وار نکلیں گے۔
