بھارتی اور پاکستانی فنکاروں کی کرتارپور آمد

بھارتی فنکار دربار صاحب کرتار پور پہنچے، جہاں پاکستانی فنکاروں نے بھارتی فنکاروں کے وفد کا والہانہ استقبال کیا۔

بھارتی وفد میں اداکار ہریش ورما، شرن کور، جسکرن گل، چندر کمبوج، راج ویندر، بلجیت سنگھ، سپن اور دیگر شامل تھے۔

پاکستانی فنکاروں اداکارہ روبی انعم، قیصر پیا، سردار کمال، اظہر بٹ، آصف اقبال اور شجر عباس نے ان کا استقبال کیا۔

بھارتی فنکاروں کے وفد نے دربار صاحب کرتار پور پر حاضری دی، ماتھا ٹیکا اور لنگر کھایا۔ دونوں وفود کے درمیان مسکراہٹوں اور محبتوں کا تبادلہ بھی ہوا۔

نئی فلم آلے کی کاسٹ بھارتی اور پاکستانی فنکاروں پر مشتمل ہے۔ فلم کی کاسٹ میں اداکار قیصر پیا، سردار کمال، آصف اقبال، شاہد خان، روبی انعم، ہریش ورما اور شرن کور شامل ہیں۔

فلم ڈرامہ آلے 19 جنوری کو پاکستان سمیت پوری دنیا میں ریلیز ہو رہی ہے۔ فلم کے ہیرو ہریش ورما، شرن کور، جسکرن سنگھ، جندر کمبوج، فلم کی پروموشن کے لیے خاص طور پر کرتار پور آئے۔

فلم ڈرامہ آلے لہندے اور چڑھدے پنجاب کی مشترکہ کہانی ہے، جس کی شوٹنگ لندن اور پاکستان میں کی گئی۔

بھارتی فلم موجاں ای موجاں کی کاسٹ کی دربار صاحب کرتارپور آمد

بھارتی فلم موجاں ای موجاں کی کاسٹ میں شامل فنکار دربار صاحب کرتار پور پہنچے، پاکستانی فلم ڈائریکٹر سید نور ، افتخار ٹھاکر، ناصر چنیوٹی اور شیخ عابد رشید نے بھارتی فنکاروں کا پھولوں کے ہار پہنا کر استقبال کیا۔

فلم کے رائٹر اور ڈائریکٹر چندر کمبوج ہیں جبکہ پروڈیوسر جسکرن سنگھ اور اظہر بٹ ہیں۔

اداکار ہریش ورما نے میڈیا سے گفتگو کرتے ہوئے کہا کہ یہاں آکر سکون ملا، خوش قسمت ہیں، یہاں آئے ہیں، آج کرتار پور آنا ہماری یادوں میں ہمیشہ رہے گا۔

ہریش ورما نے کہا کہ یہاں سے جانے کو دل نہیں کر رہا، دوبارہ پھر آئیں گے، محبتوں کا یہ سلسلہ یونہی جاری رہنا چاہیے، اس دھرتی پر سب کے لیے پیار ہے۔

بھارتی اداکارہ شرن کور نے کہا کہ کرتار پور کی خوبصورتی بیان کرنا مشکل ہے، کرتارپور پہلی بار آئی ہوں، یہاں آنا ایک خواب لگتا تھا، یہاں سے جانے کو دل نہیں کر رہا۔

پروڈیوسر جسکرن سنگھ نے کہا کہ آج کا سارا سہرا پروڈیوسر اظہر بٹ کو جاتا ہے، فلمیں بنتی رہیں گی آگے بھی فلم بنائیں گے۔ پیار لے کر جارہے ہیں۔

سنی دیول پاکستان آنے کے خواہشمند کیوں؟

بالی ووڈ کے معروف اداکار سنی دیول کو سرحد پار پاکستان میں بھی بہت پسند کیا جاتا ہے، ان کی بہت سی فلمیں ایسی ہیں جنہیں یہاں سرحد پار شاندار پذیرائی حاصل ہوئی۔

جسکرن سنگھ کا کہنا تھا کہ ڈرامہ آلے کے پانچ سیکوئیل بنانے کی بات ہوئی ہے، فلم ڈرامہ آلے 2 کا بھی آج یہاں سے اعلان کر رہے ہیں۔

رائٹر چندر کمبوج نے کہا کہ پاسپورٹ جیسی دستاویز نہیں ہونی چاہیے۔ ہم نے فلم ڈرامے آلے کے اندر یہی پیغام دیا ہے، ادھر ادھر کی بات نہیں ہونی چاہیے۔

اداکار قیصر پیا نے کہا کہ ساری زندگی ملاقاتوں کا سلسلہ جاری رہنا چاہیے، دعا ہے ہم سارے اسی طرح ملتے رہیں۔

اداکارہ روبی انعم نے کہا کہ ڈرامے آلے یہاں آئے ہیں، یہ پیار ہمیشہ رہنا چاہیے، پیار کے رشتے بنتے ہیں اور ان کو مزید بننا چاہیے۔

اداکار آصف اقبال نے کہا کہ پنجابی کو پروموٹ کیا جائے، دونوں پنجابیوں کے دل ایک ہیں، یہ پیار محبت کا سفر جاری رہنا چاہیے۔