فرمان الہی
نماز کے اوقات
امیر جماعت اسلامی کراچی حافظ نعیم الرحمان نے کہا ہے کہ بلاول بھٹو اور شہباز شریف میں کراچی سے الیکشن لڑنے کی جرات نہیں۔
ناظم آباد میں خواتین ورکرز کنونشن سے خطاب میں حافظ نعیم الرحمان نے کہا کہ عوامی سروے میں ایم کیو ایم کراچی کی سب سے ناپسندیدہ جماعت ہے۔
انہوں نے کہا کہ شہر کے انتہائی غیر مقبول اور راندہ درگاہ لوگوں کو دوبارہ مسلط کرنے کی کوشش کی جارہی ہے۔
حافظ نعیم الرحمان نے مزید کہا کہ اس وقت جماعت اسلامی کراچی کی سب سے بڑی جماعت ہے، ہمارے سوا کوئی پارٹی کراچی کی اونرشپ لینے کو تیار نہیں۔
اُن کا کہنا تھا کہ بلاول زرداری میں یہ جرات نہیں ہے کہ کراچی سےالیکشن لڑیں، شہباز شریف بھی یہاں سے الیکشن لڑنے سے بھاگ گئے۔
امیر جماعت اسلامی نے یہ بھی کہا کہ تحریک انصاف (پی ٹی آئی) کی لیڈر شپ نے کبھی بھی شہر قائد کو اون نہیں کیا ہے۔
انہوں نے کہا کہ 28 جنوری کو جماعت اسلامی باغ جناح میں جلسہ کرے گی، جس میں ہم منشور کراچی کی بات کریں گے۔
حافظ نعیم الرحمان نے کہا کہ کراچی آگے بڑھتا ہے تو ملک کی معاشی صورتحال بہتر ہوتی ہے، شہر قائد کو خوشحال کریں گے تاکہ آئی ایم ایف سے ملک کو بچایا جاسکے۔
