راولپنڈی میں قتل کے الزام میں مطلوب ملزم کو دبئی سے کراچی پہنچنے پر گرفتار کر لیا گیا۔
وفاقی تحقیقاتی ادارے (ایف آئی اے) کے امیگریشن سیل نے کراچی ایئرپورٹ پر کارروائی کرتے ہوئے دبئی سے واپس آنے والے ایک ملزم محمد عمر کو گرفتار کر لیا ہے۔
ایف ائی اے حکام کے مطابق ملزم کا نام اسٹاپ لسٹ میں شامل ہے۔ ملزم کے خلاف پنجاب کے کینٹ راولپنڈی پولیس اسٹیشن میں قتل کا مقدمہ درج ہے۔
ملزم نجی ایئر لائن کی پرواز پی اے 111 سے وطن واپس پہنچا تھا جس پر اسے گرفتار کر لیا گیا اور متعلقہ پولیس کے حوالے کیا جا رہا ہے۔
فرمان الہی
نماز کے اوقات
