گوجرانوالہ(نمائندہ جنگ) کمشنر گوجرانوالہ محمد آصف نے کہاہے کہ دکھی انسانیت کی خدمت اصل عبادت ہے‘ انجمن فلاح بہبوداں انتہائی خوبصورت انداز اور خلوص نیت سے دکھی انسانیت کی خدمت کررہی ہے اور وارڈ میں داخل مریضوں کو بہترین ماحول کے ساتھ ساتھ مفت طبی سہولیات بھی فراہم کی جارہی ہیں جو کہ لائق تحسین ہے۔ ان خیالات کا اظہار انہوں نے ڈی ایچ کیو ہسپتال گوجرانوالہ میں قائم کڈنی سنٹر کے دورہ کے دوران وارڈ میں داخل ڈائلسز کے مریضوں کی عیادت اور ان میں عید گفٹ تقسیم کرنے کے موقع پر گفتگو کرتے ہوئے کیا۔ صدر انجمن شیخ محمد نسیم‘ ڈی ایم ایس ڈاکٹر گلزار احمد‘سوشل ویلفیئر آفیسر جمشید بشیر‘ ممبران ڈاکٹر منظور‘ امیر حیدر کرمانی‘ محمد نواز باجوہ‘ شیخ طارق اقبال‘ حاجی سعید بٹ‘ دبیر‘ اور مدثر کے علاوہ دیگر ممبران ان کے ہمراہ تھے۔
فرمان الہی
نماز کے اوقات
