فرمان الہی
نماز کے اوقات
غزہ کی صورتِ حال پر امریکی خفیہ ایجنسی سی آئی اے کے ڈائریکٹر ولیم برنز آج فرانس میں اہم ملاقاتیں کریں گے۔
عرب میڈیا کے مطابق ولیم برنز آج موساد کے سربراہ، قطری وزیرِ اعظم اور مصری انٹیلی جنس کے سربراہ سے ملاقاتیں کریں گے۔
رپورٹس کے مطابق ملاقات میں غزہ میں عارضی جنگ بندی کے معاہدے کی تفصیلات پر بات چیت ہو گی۔
غیر ملکی میڈیا کے مطابق امریکی مذاکرات کار ایک ممکنہ معاہدے پر پیش رفت کر رہے ہیں جس کے تحت حماس 100 سے زائد اسرائیلی مغویوں کو رہا کرے گی۔
رپورٹس کے مطابق ممکنہ معاہدہ جنگ کو مکمل طور پر ختم نہیں کرے گا لیکن امریکی حکام کو امید ہے کہ یہ معاہدہ تنازع کے حل کے لیے بنیاد رکھ سکتا ہے۔
